صينية مكرونة نجرسكو لذيذة جدا جدا

طريقة عمل صينية مكرونة نجرسكو لذيذة جدا جدا

المكونات

نصف كيلو مكرونة

فراخ مقطعه صغير وممكن بواقى فراخ

بصل مبشور

فلفل أخضر وأحمر

ملح وفلفل اسود

بهارات

جبنه مبشوره(موزيريلا اورومى او الاثنين)

للبشاميل

كيلو لبن

اربع ملاعق كبيرة دقيق

معلقه كبيرة قشطه
معلقه كبيرة سمن

ولعمل احلى صينية مكرونة نجرسكو اليك الطريقة

الطريقة

اولا فى اناء على النار نضع ماء مغلي ومعلقة صغيرة ملح

ونسلق المكرونة وبعدين نصفيها ونقلب بها 

معلقه كبيرة زيت

لعمل البشاميل

فى اناء نضع معلقة كبيرة سمن ثم  نضيف الدقيق

ونقلب حتى الحصول على لون ذهبى جميل جدا

ثم نضيف اللبن تدريجيا ونقلب جيدا

حتى الحصول على القوام المطلوب ثم نضيف

معلقه كبيرة قشطة.

الحشوه

فى اناء على النار نضع معلقة كبيرة سمن

ثم نضيف قطع الفراخ ونقلبهم جيدا ثم نضيف

بصل مبشور وفلفل مقطع صغير جدا جدا

ثم ملح وفلفل اسود وبهارات.

فى صينية نضع طبقة مكرونه ثم الحشوه(الفراخ)

ثم جبنه مبشورة ثم طبقه مكرونه

ثم البشاميل ثم على الفرن فورا

وفى اخر عشر دقايق نضيف جبنه مبشورة

على الوش ثم ندخلها الفرن لكى تاخذ 

لون جميل .

وهى سخنه الجبنه بتكون سايحه ورائعة

واحلى صنيه مكرونه نجرسكو بالفرن

وبالهنا والصحة والعافية